الأربعاء، 6 يونيو 2012

اختبار البنك الاهلى




اختبار البنك الاهلى

رغم ان البوست دة نزل قبل كدة بس هعيدة لان ناس كتير سالت علية

اختبار البنك الاهلى
=-=-=-=-=-=-=-=

=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-==-=-=-=-=-=-=-=-=-=-=-=
فى البداية الملف ده قديم من فترة 2010 ايام اختبارات البنك الاهلى بشكل عام اما فى الفترة الحالية بيقتصر على الاتصال بالاشخاص بعد ما بيرسلوا الايميلات للاتش ار والاتش ار بيكون درس كافة السبفهات وبيكون الانترفيو فى الفرع الرئيسى انا عملت البوست ده لان الاسئلة غالبا بتكون واحدة مش بتتغير تغير جذرى انما تغير ارقام فقط و بتكون تقريبا نفس الافكار وعلى العموم فى ملف فى اخر البوست فيه اسئلة ممكن تدربوا عليها فى الاى كيو وتكنولوجيا المعلومات والانجليزى معلومات كتيرة هتستفادوا منها كتير وهى غالبا اللى بتكون موجودة فى اى امتحان
=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-==-=-=-=-=-=-=-=-=-=-=-=

================================================
================================================
طبعا فى ناس كانت بتقول اننا بنقول كلام وخلاص واننا بننقل معلومات وخلاص
ده رابط الايفينت اللى كان معمول من حولى سنتين

إختبار البنك الاهلى المصرى يوم الثلاثاء 14/12/2010

================================================
================================================


أولاً:- الإمتحان بيبقى في "دار البنك الأهلي" وعنوانه :

3 شارع حسن أفلاطون / متفرع من شارع النزهه / أمام الرقابه الإداريه / مدينة نصر .


...ثانياً:- اللي تاخدوه معاك وإنت رايح الإمتحان إن شاء الله ◄ قلم وأله حاسبه فقط .

==========================================


يمكنك الآن تقديم السيرة الذانية الخاصة بك لإدارة الموارد البشرية على البريد الإلكترونى. برجاء إختيار البريد الإلكترونى وفقاً للمؤهل الدراسى :

لخريجي الهندسة : IT.rec@nbe.com.eg

لخريجي التجارة : Commerce.rec@nbe.com.eg

لخريجي أي كلية أخري : Others.rec@nbe.com.eg

للتدريب الصيفي : Summer.internship@nbe.com.eg

لذوي الخبرات : Experience@nbe.com.eg


ياجمــــــــاعة
تنبييييييييييه هام الناس اللي ناويه تروح

1/ الامتحان في دار البنك الاهلي الساعه10
=-=-=-=-=-=-=-=-=-=-=-=-=-=-=-=-=

والامتحان ساعه واحده وانت وحظك وانت وحظك تدخل فى انهى دفعه داخله تمتحن
بس خلى بالكم انى اول ماتروحوا تسيبوا البطايق الاول مع الناس اللى هاتكون واقفه بتاندى على اللى هايخش يمتحن علشان بالبطاقه كأنك بتحجز مكانك فى دفعة دخول بدرى

2/ ينفع اي حد يروح عادي ومن غير مايكون البنك اتصل بيه عادي جدا مفيش مشاكل توكل على اللة وشد الرحال
=-=-=-=-=-=-=-=-=-=-=-=-=-=-=-=-=

3/ السنوات المطلبوة انها تروح تمتحن ( 2011-2010- 2009 - 2008 - 2007 ) وتقديرك يكون جيد (لازم مايقلش عن جيد )
=-=-=-=-=-=-=-=-=-=-=-=-=-=-=-=-=

(" ينفع حد يقدم لو مش خريج تجارة ؟؟؟ اه ينفع عادي بس انت لما تخش الدار فى قاعة الامتحانات هتلاقي جوة فئات في الجروب ده جروب تجاره ده جروب هندسة ده جورب اقتصاد وهكذا ")

4/ التقدير لازم مايقلش عن جــــيــد
=-=-=-=-=-=-=-=-=-=-=-=-=-=-=-=-=

طب تقدير مقبول او انت اقدم من السنوات دي 2007/2008/2009 /2010 بتحضر شهادة خبرة من مكانك اللي انت شغال فيه و تبعتها هى والسى فى بتاعك افضل باليد على:

=-=-=-=-=-=-=-=-=-=-=-=-=-=-=-=-=
1187 كورنيش النيل البنك الاهلي المصري ادارة الموارد البشرية
=-=-=-=-=-=-=-=-=-=-=-=-=-=-=-=-=


علشان لو مقبول بدون خبره مش هاتمتحن انما لو مقبول ومعاك خبره هاتمتحن بس الافضل ليك ماتمتحنش وتقدم على طول فى البرج علشان تقديمك ده بمثابة نجاح فى الامتحان وبتستنى إنترفيو على طول

( بس كلامى ده للى هو مقبول ومعاه خبره او دفعة تخرج أقدم من 2007
لو 2007 شغال عادى 2006 لأ )

او لو من خارج القاهرة ياريت يكون بريد سريع مش بريد مصري عادي لان بتكون من الناس الخبرة وفي الحالة دي بيعمولو معاك انترفيوا على طوووووووووووووول ومش هاتمتحن بس تبعت شهادة الخبرة بتاعتك والCV بتاعك يعني للعنوان المكتوب فوق مباشرةً

5/ الناس اللي رايحة تمتحن بتاخد معاها ( قلم جاف طبعا - قلم رصاص - الة حاسبة ) دي الحجات الاساسية
=-=-=-=-=-=-=-=-=-=-=-=-=-=-=-=-=

طيب انا بقى بفضل انك تاخد معاك أصل الشهاده و ال CV ده من رائي لان الناس اللي راحت من غير ماقدمت ال Cv بتاعها تروح تمتحن وتاخد ال CV وتقدمه مع الابلكيشن ( يعني خليه بردوا احتياطي مش هاتخسر حاجة لو شيلت ورقتين زيادة مع الحجات اللي انتم شايلينها ) بس إحتمال كبيييير ماتستعملوش فى حاجه بس احنا بنقول نبقى فى الامااان

6/ طب هاتروح ومش عارف العنوان بتاع البنك
=-=-=-=-=-=-=-=-=-=-=-=-=-=-=-=-=

العنوان اهو ( دار البنك الأهلي - شارع حسن أفلاطون / متفرع من شارع النزهه / أمام الرقابه الإداريه / مدينة نصر )

7/ هاتروح ازاي طيب العنوان ده :
=-=-=-=-=-=-=-=-=-=-=-=-=-=-=-=-=

من رمسيس تاخد مواصلة توديك اول عباس "طريق النصر "و قوله انك عايز تنزل عند الرقابة الادارية او عند الساعة

هاتلاقى دار البنك الاهلى على الناحيه التانيه فى وش الرقابه الإداريه على طووووول



وانا باديكم الامتحان اهو :


إختبار البنك الاهلى المصرى يوم الثلاثاء 9/11/2010
=============================
الامتحان سهل و عايز تركيز شويه و دى الاسئله

الاول ورقة فيها بيانات عادية اوى اسمك و عنوانك و كلام من ده
بعد كدة قطعة سهلة و عليها اسئله اختيارات
بعد كدة قطعتين صغيرين كل واحدة عليها تلاتة برضه سهلين
بعد كدة شوية اسئلة منطقية لذيذة كدة مش مكلكعة
فى اسئله حسابية تحلها بال calculator فى سؤال اسمه creative thinking ده بيقولك مثلا
لو عندك مشبك ورق paper clips اذكر اكبر عدد من الاستخدامات الممكنة للمشبك ده. ده سؤال بيقيس قدراتك الابداعية

و فى سؤال إحصاء عبارة عن جدول فيه شوية ارقام خاصة بمبيعات موتسيكلات اعتقد كانو 6 دول و 6 شهور و هديك اجمالي المبيعات لكل دوله و كل شهر و عليه شويه اسئله السؤال ده اسهل من 1+1=2 سهل جدا جدا جدا

يعني يقولك هات اجمالي مبيعات لشهر مايو مقارنه يالست شهور
و يقولك انهى اكبر شهر حقق أكبر مبيعات فى الامتحان الاجابه هاتكون شهر مايو
وهات متوسط المبيعات لأول أربع شهور والإجابه بتكون بجمع مبيعات الارع شهور ونقسم على عددهم 4 وبيكون مبيعات الاربع شهور دى 22و24و24و26 وبالنظر لو بصينا هانعرف إن المتوسط 24

ولو عملناها محاسبياً يعنى هانجمع
22+24+24+26 ونقسم الناتج على عدد الشهور اللى جمعنا مبيعاتها يعنى على 4
ويقولك هاتنسبة مبيعات دولة ألمانيا مثلاً فى شهر مارس بانسبه لمبيعات الشهر والاجابه بتكون رقم مبيعات الدوله دى فى الشهر ده ونقسمه على إجمالى المبيعات بتاعت الشهر ده
ويوقك هات نسبة اقل 3 شهور حققت مبيعات بانسبه لإجمال المبيعات
والاجابه بتكون جمع مبيعات ال3 شهور اللى حققوا أقل مبيعات والناتج نقسمه على إجوالى المبيعات كلها

و كدا جمع وطرح وتحويل الكسور العشرية لاعتيادية وكله بالالة الحاسبة

لوفى شهور فيها 30يوم كام شهر فيه 31 يوم خلال السنة

لو بيعت 30 كتاب ماعدا 7 يتبقى كام اكيد 7 "

و ساعات الصيغه بتتغير يعنى ممكن يقولك مزرعه خنازير فيها 18 خنزير ماتوا كلمهم ماعدا 7 ويقولك كام واحد عايش اكيد الاجابه هاتكون 7 "

لو الدكتور ادالك شريط دواء فيه 5 حبات و قالك خد واحده كل نصف ساعة يبقى فى مدة اد ايه يخلص الشريط ؟ اكيد ساعتين

علشان وهو بيدينى الشريط هاحخد واحده وكمان نص ساعه التانيه وهاكذا الفكره فى اول حبايه هاتخاده

قطعة بسيطة 9 سطور تقريبا عليها اسئلةاختبارى
و
قطعتين وعلى كل واحدة اختيارى
و
(True-false-not sure) اسئلة بسيطة

اهم سوالين هما:

اذكر اربع استخدمات لمشبك الورق و الجدول الاحصائى يوضح مبيعات 6 دول خلال 6 شهور ويطلب منك مين حقق اكبر نسبة من المبيعات فى خلال الفترة كلها او خلال شهر معين او مين حقق اكبر نسبة زيادة فى المبيعات خلال الفترة اهم حاجه الاله الحاسبه و تكون سليمه

=-=-=-=-=-=-=-=-=-=-=-=-=-=-=-=-=
ودى أسئله بالنص من اللى هاتيجى فى الامتحان
=-=-=-=-=-=-=-=-=-=-=-=-=-=-=-=-=


السؤال الاول
=-=-=-=-=

1- بنت رصيدها فى البنك 933 جنيه كتبت شيك لشخص بقيمه 143.42 وشيك اخر بقيمه 13.24 كم رصيدها الحالى ؟
( القيمه الاجماليه 933 نطرح منها الشيكين علشان هى كتبتهم لشخص يعنى نقص حسابها بمقدار الشيكين دول)

933 - 143.42- 13.24 = الإجابه

* بس برضه خلى بالكم كويس جداً ساعات بيخلوا الشيكين دول واحد كتبته لشخص يعنى" ينقص رصيدها " بقيمته والتانى شخص كاتبهولها يعنى " يزيد رصيدها " بقيمته*

2-.50/(1/3)+7 = ؟ الاجابه= 157

9/5 حولها لنسبه مئويه الاجابه 180 %

و باقى الاسئله يا جماعه تقريبا اسهل من كدا كمان

السؤال الثانى
=-=-=-=-=

اسئله ذكاء زى الفوازير ( مافيهاش اختيارات ) :1

-لو فى شهور بتنتهى ب 31 يوم وطبعا شهر فبراير بينتهى ب 28 يوم . كم شهر ينتهى ب 30 يوم ؟

الاجابه 4

**برضه خلى بالكم انه ممكن يقولكم كام شهر فــيه 30 يــوم فى الحاله دى هايبقى 11 شهر **


2-فلاح عنده 17 بقره ماتوا كلهم ماعدا 7 . كم بقره بقيت ؟

الاجابه 7

* و خلى بالكم ان Left يعنى بقيت *


3-دكتور اعطى مريض شريط دواء فيه 5 حبات وقاله خذ حبه كل نص ساعه الشريط يخلص فى اد ايه

الاجابه ساعتين


السؤال الثالث
=-=-=-=-=

مسئله الاحصاء ..... مافيهوش اختيارات

و دى مسئله احصاء وعليها 6 اسئله فيهم سهل وفيهم صعب شويه


السؤال الرابع
=-=-=-=-=

القطعه الكبيره .. . اختيارات

ودى يا جماعه قطعه كبيره بتتكلم عن اهميه دراسه التاريخ والاستفاده منه . ودى عليها 6 اسئله اختيارى بس صعبين شويه .لان الاسئله بتعتمد على فهمك للقطعه . والدليل على كدا انه بيقول قبل كل سؤال ( من خلال فهمك للقطعه ) ...

السؤال الخامس ( القطعتين الصغيرين.... اختيارات)

ودى قطعتين صغيرين كل قطعه عليها 4 اسئله سهلين وانت تجاوب ب صح او غلط او لا اعلم .. وكانت واحده بتتكلم عن ( واجبات المرأه المتزوجه ) والتانيه بتتكلم عن ( تعليم الطفل وتنميه اوقات فراغه ) والاسئله سهله وموجوده فى القطعه .


السؤال السادس .... مافيهوش اختيارات

و ده سؤال يا جماعه بيقولك ان انت رجل مبيعات فى شركه بتبيع منتج وهو ( مشبك الورق ) ازاى تقنع العميل انه ممكن يستخدم المشبك ده فى اشياء تانيه غير انه مشبك ورق ... اذكر اربع استخدامات اخرى لمشبك الورق ؟

الامتحان مافيهوش محاسبه خالص وكله بيكون عباره عن إنجليش وIQ تافهين و مسألة إحصاء عبيطه والله ( وطبعاً لغة الإمتحان كلها هى الإنجليزيه) و بيكون عباره عن صح وغلط وإختار وده على مستوى الامتحان كله بإسثناء الاجزاء الرياضيه اللى فى الاحصاء وهى عباره عن جدول فى تقريباً خمس منتجات والتغير فى كل منتج على مدار ست شهور

و سؤال عن القدره الإبتكاريه وهو عباره عن إخر سؤال وبيقول فيه انك دلوقتى راجل مبيعاتو بتبيع ال paper clips يعنى الدبوس مشبك بتاع الورق تقدر تقولنا كام إستخدام عن مشبك الورق ويقولك فى ملحوظه كده ان اكبر عدد من الاجابات بيكون عليه اكبر درجه و يراعى الإبتكاريه فى الإجاباتبس


** خلى بالكم ان ساعات صيغة السؤال ده بتتغير**
: يعنى مره يقولك انك راجل مبيعات و مره يقول لحد تانى انك قاعد فى مكتب هاتلنا أكبر إستخدام لدبوس المشبك طبعاً الفرق واضح


انا جالى بتاع راجل المبيعات وكانت إجابتى كالتالى:

1-نقدر نحفظ بيه الورق المهم كنوع من التنظيم
2-نقدر نفرده و نفتح بيه السى دى روم اللى بيعلق فى الفتح
3- نقدر بعد فرده اننا نعمل بيه ريستارت للراوتر من الفتحه الخاصه بعمل الريستارت
4-كمان ممكن ننظف بيه أظافرنا
5-وبالنسبه للناس اللى عندها سنان مخرومه وباقى الطعام بيقف فيها ومش بتطلعه فرشة الاسنان يقدروا يطلعوها بدبوس المشبك
6-نقدر برضه نفتح بيه أمبوبة الأمير المستعمله ( علشان بتكون كونت طبقه لاصقه تسد فوهة االامبوبه )
7-كمان ممكن نجمع كل فئه متشابهه من الفلوس مع بعضها داخل المحفظه او درج النقود بدبوس المشبك
8-برضه ممكن لو لابس سلسله وأتقطعت منى انى اوصلها ببعضه بيه مؤقتاً
9-لو زرار القميص أتقطع أقدر أقفل القميص بيه مؤقتاً برضه
10-ممكن أعمله إبره مغناطيسيه عن طريقه دعكه بمغناطيس قوى وتستخدم الإبره المغناطيسيه دى فى تحديد البوصله


الامتحان كله تقريباً موجود هنا بالتفصيل واللى عايز يعرف الامتحان بالظبط يتابع المعلومات من أولها لأخرها مش هتاخد أكتر من نص ساعه ويكون عرف الامتحان اللى عايز يعرفه كله


و الامتحان بيكون كتابى مش شفوى وبيكون فى قاعه كبيره فى الدور الاول حوالى 200 فرد

و خريجين تجاره كلهم إمتحان واحد ولو غير تجاره بياخد امتحان other بس كده


و مش بيكون فى إنترفيو بعد الإمتحان يعنى مجرد إمتحان بس بتخلص وتمشى

وبتعرف انك نجحت او ربنا موفقكش إزاى ؟
بيكون فى خلال 15 يوم لو مالكش نصيب المره دى نعاهم هايبعتولك regret message على الميل بتاعك لو ماجتلكش يبقى مقبول وهاتاخد دورك فى الوايتنج ليست علشان يكلموك للإنترفيو

بس هما بالهم طويل شويه


**خلى بالكم انا تعمدت أعيد بعض الاسئله وأجابتها علشان بس تثبت فى ذهنكم
والحاجات دى بالنص والله ** انا كتبتهلك علشان ربنا يوفقكم كلكم إن شاء الله

بس يا جماعه هو ده كل الامتحان بالتفصيل والاجابات .اتمنى اكون وفقت فى افادتكم .
اتمنى من كل شخص عنده معلومة يقولنا عليها

يالتوفيق يا شباب ان شاء الله

هناك 3 تعليقات:

  1. طيب لو حد نجح فى الامتحان دا وبيكلموه بيقولو انت تمام بس فاضل انترفيو اخير بيحصل فيه ايه دا وياريت الرد بسرعه جدااااا

    ردحذف
  2. وشهاده الخبره دي لازم تكون من بنك
    مينفعش كورس من البنك المركزي ؟؟

    ردحذف
  3. هو دى اسئله التدريب الصيفى
    ولا التوظيف

    ردحذف